करमा पूजा गीत (मगही भाषा)
आज सुदिन हइ करमा वरतिया,
लाइ दा हो भैया करमा के डालिया।
कैसे हमें लइबै बहिन करमा के डालिया,
नदिया में बहिन दोनो कुल पनिया।
नदिया में नाविक खेबै नैया,
ओही पर चढ़ भैया पार उतरिहा।
लाइ दा हो भैया करमा के डालिया।
लेलन सभे भैया कान्धे कुलहड़िया,
लाइ देलन भैया करमा के डालिया।
युग-युग बढ़े भैया तोहरी उमरिया,
भौजी के भैया बढ़े अहिवतिया।
लाई दा हो भैया .........
सुजाता प्रिय समृद्धि
स्वरचित
No comments:
Post a Comment